SARITILAWAH SURAH YAASIIN
Di cokot tina buku Surah Yaasiin tarjamahna dina basa sunda ku: Drs Hidayat Suryalaga.
Hayu urang baca sugan wae jadi pepeling.
Yaasiin (1)
SINOM
Demi qur’an pinuh hikmah
saestuna nu sayakti
anjeun teh salah saurang
Rosul utusan Illahi
Lumampah di jalan suci
Di jalan lempeng lumaku
Mungguh Kitan al-Qur’an
Wahyu ti Illahi Robbi
Gusti Allaoh Perkasaa tur Maha Heman (2-5)
Allah ngalungsurkeun Qur’an
sangkan andika mepeling
mepelingan umat-umat
ngingetan ngajakan eling
ngajak eling kaa Gusti
ngajakan kaa kaum-kaum
kaum anu karuhuna
can kungsi meunang pepeling
anu matak eta umat the balangah (6)
Saestuna satemenna
bakal karandapan pasti
dawuhan Allah tumiba
katangtosan ti Ilahi
keur sawarehna jalmi
ti antara eta kaum
ti antara maranehnaa
ari sabana geus sidik
maranehna henteu bae daek iman. (7)
Saestuna satemenna
kersaning Ilahi Robbi
maranehna teh dibanda
dikongkorangan ku tali
dibakutet ku tali
beuheungna teh di belenggu
leungeunna seug diangkat
atuh gadona katarik
balukarna salawasna teh taranggah (8)
Lajeng kersaning Pangeran
ngadingding aya pipinding
di hareupeun maranehna
di tukangeunnana deui
teu bisa usik malik
panonna oge di tutup
direumpeukan paningalna
rampang reumpeung lolong sidik
kitu pisan Pangersana Nu Kawasa (9)
Ari pikeun maranehna
nya sarua bae sami
estu teu aya bedana
najan ku anjeun di geuing
atawaa teu di geuing
angger bae moal nurut
dasar manusa wangkelang
wangkelang bedang teh teuing
angger bae maranehna moal iman. (10)
Lamun ku urang di tengetan eta saritilawah nu di cokot tina surat yaasiin. Didiyeu Allah SWT nguningakeun yen diantara mahlukna masih aya wae geuning jalma nu wangkelang, heuras asa iyeu pinter aing, wani nyasaak, ngahina, ngarendahkeun martabat jalma. Padahal sagala kakayaan jelema, kapinteran jelema, ka kuatan tanaga jelema di iyeu bumi, sadayana datangna ti Allah, sadayana paparin ti Allah. Pepeling ka jalma nu beunghar, nu pinter jeung nu kuat , coba sing dibarengan ku sipat handap asor, sopan santun, nyaah kasasama, murah hampura, nulung kanu leutik jeung nu lemah. Eta teh bakal luhur martabatna payuneun Gusti Anu Mahaesa. Enya memang aya asana mah hadisna mun teu salah nu kiyeu unina dina basa Indonesia : “ABAIKAN ORANG2 BODOH” Tapi lain maksudna kudu di hina atawa direndahkeun martabatna. Maksudna abaikan orang bodoh didiyeu teh lamun jelema2 bodo iyeu teu beunang di ajar, teu beunang di papatahan jeung teu beunang di nasehatan, tah didiyeu nu hartina kudu diabaikan teh. Mudah2a wae hayu urang kudu mawas diri unggal usik. Keur ngingetan urang sorangan. Hampura mun aya caritaan nu teu dina tempatna maklum da kuring mah lain tukang nulis.
Leres wa… da kitu gening, abdi sok ngabayangkeun aya jalmi nu ngarasa cenah pangbeungharna pang legana tanahna, tapi ari ditingal tiluhur eta tanah teh ngan sacangkewok, komo mun dibandingkeun jeung laut mah.. subhanallah leres cenah bhs indo na mah tiada bertepi, terus naon atuh nu rek di banggakeun ku urang rek diagulkeun ku urang, cenah pinter sok atuh nyieun be 1 satu nu sarua jeung sireum ulah nu gede2 bisa teu…eta be ukuran nu minimalna mah. Matak mun urang rek adigung adiguna kedah emut kada kalimah ALHAMDULILLAH insya Allah urang bakal sadar kana diri, sadar kana harti, teu sa ucap-ucapna komo matak pinyeurieun batur mah.. pan cenah UCAPANMU = PEDANGMU artina lamun urang raheut ku ucapan hese cageurna, eh panjang teung Wa..tos ah…
Comment by Tika — December 2, 2008 @ 5:23 am
Leres wa.. urang teh mun tea mah rek agul teh agul ku naon, cenah pangbeungharna tanahna upluk aplak di mana-mana, tapi ari abdi ningal ti luhur eta tanah nu sakitu legana teh ngan ukur sacangkewok katingalna, dibanding sareng taneuh-taneuh sabudeureunana.. komo dibandingkeun jeung laut mah teuing meureun jadi satitik bakat ku alit, cenah pinter sok atuh pangnyieunkeun sireum hiji be, ulah di nyawaan ukur ragana be wungkul, bisa teu, matak mun urang rek ngagulkeun diri leuwih ti batur, kedah emut ALHAMDULILLAH ngan ukur Mantena nu pantes di puji sareng di puja nu kangungan ieu alam jeung saeusina…pan aya paribasa ti nu bodas aya nu leuwih bodas, tinu geulis aya nu lewih geulis, ti nu pinter aya nu lewih pinter ngan urang na be nu kuuleun teu nyaho ka batur.. mun nyahoeun batur mah di seungseurikeun sigana tah …
Comment by urang bandung — December 2, 2008 @ 8:07 am
Meni sae artikelna, muhun kulan da ari nu pangpinterna mah nya nu kagungan ieu dunya. Atruh pami ka urang aya nu nyebat bodo ulah janten alit manah, margi jalmi mah pusatna kalelepatan. Tampi kalayan kasadaran sarta kadeudeuh nu tan wangenan. Sabab mun jalmi nyebat bodo ka urang eta teh cirina manehna boloho. He..he..he.. deal pan?
Comment by reni — December 4, 2008 @ 6:07 am